Askvoll Sentrumshamn er no under utbygging.

Før jonsok skal det leggjast ut 100 meter betongflytebryggjer med uteliggarar på tilsaman over 120 tonn i Sentrumshamna. Nytt sanitæranlegg med toalett, dusjar, vaskemaskiner og tørketromlar skal samstundes stå klart i Askvoll Sjøbuer sine lokaler like i nærleiken. Det vert eit av vestlandets mest moderne flytekai-anlegg med masse energisøyler, belysning, vatn, badestige m.m. I tillegg til strøm på flytebryggjene vil det verte montert nye strømuttak også på eksisterande trekaier.
Det vert ei djupne på mist 1,5 meter i heile hamna, medan dei djupaste plassane vert mange meter, og kan slik ta imot dei største seglarar.
På land er arbeidet i full gang med muring og tilrettelegging for strøm, vatn og tilkomstvegar. Eit eige lite område for avfallshandtering skal òg opparbeidast.
Askvoll ligg midt i leia, og har i alle år hatt for liten kapasitet til lystbåtar i sommarsesongen. Det vert difor spennande å sjå kor stor trafikk kommande sesong vil gje. Totalkapasiteten i Sentrumshamna vil no verte over 60 båtar når dei kan ligge litt utanpå kvarandre. Dette er om lag det dobbelte av kva som var tilfelle sist sesong, og ei tredobling i høve til 2005!
Heile anlegget skal stå ferdig før fellesferien set inn for fullt, så ta turen til Askvoll når du har kasta loss for årets sommarferie, eller ein av sommarens weekend-turar! Her vil du finne dei aller fleste fasilitetar mindre enn eit steinkast frå din eigen fender. Vel møtt i Askvoll i sommar!

(Publisèrt mai 2007)

Askvoll Sentumshamn AS

Mandag 23. april heldt initiativtakarane for Askvoll Sentrumshamn AS eit informasjonsmøte på Askvoll Fjordhotell.
Eit førtitals personar møtte opp og fekk presentert planar, tidsfaktorar og budsjett for prosjektet. Det viste seg at interessen var stor for å vere med i selskapet, og denne kvelden teikna 27 stk seg for aksjar. Desse representerer både bedrifter og privatpersonar. Vidare er det ytterlegare 15 stk som har stadfesta at dei vert med. Det betyr at 42 personar og bedrifter so langt ønskjer å vere medeigarar i selskapet. Dette viser at folk har stor tru på prosjektet, og ser kor viktig dette er for å utvikle bygda. Og det er ikkje berre askvollingar som er med, både Atløy, Holmedal, Stongfjorden og Førde er representerte i eigarstrukturen til no. Dette viser eit engasjement langt utover det vi torde håpe på i startfasen, seier ein av initiativtakarane, Johnny Søreide til ASG.
Er det nokon som ikkje har fått mulighet å skaffe seg informasjon om prosjektet, eller ønskjer å delta, så må dei gjerne ta kontakt med oss, seier Søreide.
Kontaktpersonar er Svein Eivind Solheim (tlf 91595808) og Johnny Søreide (tlf 90030588).
Hamna skal vere ferdig til jonsok.

(Publisèrt april 2007)

Ny leiing i Automarin as

Terje Bjaanes tek no over som dagleg leiar og eineeigar av AutoMarin as, når Johnny Søreide, som i løpet av 18 år har bygd opp Automarin, no sel seg ut av verksemda.
Terje Bjaanes har vore medeigar og bilseljar i Automarin sidan 2002 og vil saman med sine tilsette satse på å utvikle verksamda vidare.
Johnny Søreide kjøpte opp konkursbua etter ein bensinstasjon og ein bilverkstad i 1989. Idag omset verksemda for ca. 30 mill og har 15 medarbeidarar i aktivitet.
- Dette er på ein måte å selje sjela si, og det er mange kjennsler rundt det. Men eg har teke ei avgjerd som eg meinar er rett, både for meg og bedrifta, seier Johnny Søreide.

Vi i ASG ønsker Terje Bjaanes lykke til vidare med drifta og utviklinga av Automarin, og ønskjer Johnny Søreide lykke til med nye utfordingar.

(Publisèrt mars 06)

Nytt handelshus i Askvoll

Går alt etter planane vil eit nytt handelshus stå ferdig i Askvoll i løpet av sommaren. Eit påbygg til eksisterande Askvoll Bygg og Interiør AS, vil samla gi ei første etasje på 1200 kvadratmeter forretningslokaler, samt ein andre etasje med 170 kvm kontorlokaler og 4 leilegheiter på ca 100 kvm kvar. Bjørn Magne Solheim, Anders Lien og Holmedal Elektriske AS står bak byggeprosjektet gjennom selskapet Kysteigedom AS.
I følge planane vil byggearbeidet komme igang i løpet av mars, men det er avhengig av behandlingstid i kommunen. Det kan forhåpentleg vis sjå ut til at du allereie til sommaren finne Askvoll Bygg og Interiør AS, Askvoll Elektriske AS og ein ny og etterlengta møbelforretning i det nye handelshuset. Samla ville desse butikkane kunne tilby askvollingane ”alt til hus og heim”.
- Vi har tru på at eit godt samarbeid mellom butikkane og eit utvida vareutval samla i eit nytt handelshus, totalt sett vil gi eit betre og meir interessant handelstilbod til innbyggarane i kommunen, seier Bjørn Magne Solheim i Askvoll Bygg og Interiør AS.

(Publisèrt januar 06)

Nytilsett hos Askvoll Elektriske AS

Tove Grimelid er tilsett som kundebehandlar og selgar hos Askvoll Elektriske AS.
Tove er oppvokst i Stongfjorden og no busett i Rivedal.
- "Vi har vore heldig som har fått Tove til å jobbe hos oss," seier Herfinn Takle hos Askvoll Elektriske - "ho er svært serviceinnstilt og kjem til å gjere ein kjempejobb for oss og våre kundar framover."
ASG ønsker Tove velkommen i butikkbransjen.

(Publisèrt desember 06)

AutoMarin Cup - ei ny fotballturnering.

AutoMarin Cup 2006 vart avslutta søndag ettermiddag 26.november. Etter to lange dager med mykje fin fotball i Askvollhallen vart det sett sluttstrek, nærmare 65 kampar vart spelt.

Askvoll og Holmedal IL - Fotballgruppa
stod for ei dyktig gjennomføring av AutoMarin Cup siste helga i november, der ca. 250 jenter og gutar i alderen 10-12 år spelte fotballturnering med Askvollhallen som perfekt ramme. Det vart mykje jubel, litt skuffelse og ein god porsjon scoringer i løpet av dei omlag 65 kampane som vart avvikla frå lørdags morgonen, til søndags ettermiddagen.

Eit tilbud til dei yngste.
Formålet med cupen var ei avslutting av sesongen for 11-12 åringane, og ein forsmak for 10 åringane som tek steget opp som lillegutar/lillejenter neste år. Ideen til cupen kom etter deltaking på Tambar-cup i Naustdal sist vinter.
Premiar til alle!
Alle spelarane fekk kvar sin statuett som bevis på at dei hadde delteke i årets turnering. Det var nest leiar frå hovudsponsor Auto Marin AS, Terje Bjånes som stod for premieringa.

Stor dugnadsinnsats
Turneringa vart dyktig gjennomført av fotballgruppa med stor dugnadsinnsats frå foreldre og andre frivillege i kiosk, dommarar og sekretæriat osv.

Blir det ein tradisjon?
Med gode tilbakemeldingar frå trenarar/foreldre til deltakar-laga og med mange blide jenter og gutar som tykte det var kjekt med eit slikt tilbud, kan det godt hende at turneringa kjem att neste år!

I alt var 31 lag med frå klubbane: Askvoll og Holmedal, Atløy, Fure, Kvammen, Bulandet, Førde, Gaular, Hyllestad og Tambarskjelvar.

(Tekst og bileter: Vebjørn Ask)

(Publisèrt november 2006)

Nisseverkstad på Askvoll Sjøbuer

Tirsdag 21.november samla fleire representantar for ASG-butikkane seg på Askvoll Sjøbuer. Pakking av julegåver og påfølgande julemiddag sto på agendaen.
Her vart nissepakkane laga til og lagt i striesekkar, klare til julehandel-opninga på fredagen.
Etterpå var det som vanleg tradisjonell julemiddag som sto på menyen.
Dei som hadde anledning til å vere med på pakkedugnaden i år var: Sissel, Herfinn, Hildegunn, Terje, Sidsel, Tone, Kenneth, Reidun og fotograf Johnny.

ASG-butikkane ønsker alle sine kunder velkommen til ein hyggeleg julehandel!



(Publisèrt november 2006)

140 deltok på Njord Storsamling i Bulandet!

Surfing med kajakk og utforsking av eventyrlige Bulandet stod på programmet for de 140 deltakerne som deltok på Njord Stormsamling 7. og 8. oktober. Aldri har flere padlere vært samlet samtidig i øyriket!

140 padlere var i helgen samlet til kurs, turer og mye moro på Njord Stormsamling på Bulandet helt vest i havet. Her fikk de delta på kurs, høre foredrag eller bare padle i det unike øyriket lengst vest i havet sør for Florø. Deltakerantallet er høyere enn noen gang.
– Responsen på arrangementet er overveldende. Det er unikt at så mange entusiaster finner veien helt ut i havgapet når metereologene varsler at det blir en forblåst høsthelg, sier Eivind Nordeide i kajakkfirmaet Njord.

Store bølger

Nettopp store bølger er et av målene for mange padlere under Stormsamlingen. Entusiastselskapet Njord AS har som det eneste firmaet i Norge lansert egne kurs i surfing med havkajakk. Det ble en våt om morsom opplevelse for mange av deltakerne.
Fredag og lørdag var preget av ekte vestlandsvær. Lørdagen hadde vinden pisket opp store bølger, mens øndag ble en stille og solrik dag. Overalt blant de 365 øyene i området kunne man se padlere kose seg på tur, eller delta i ulike kurs i havpadling.
– Det er morsomt å se at Bulandet er blitt et attraktivt reisemål for kajakkpadlere. Mer enn 500 individuelle turister kom ut hit i løpet av sommeren kun for å padle kajakk, forteller Eivind Nordeide.

Skryter av Bulandet

Blant trekkplasterne under årets Stormsamling var en av verdens mest erfarne padlere, britiske Olly Sanders. Lørdag kveld holdt han foredrag om padleturer til eksotiske verdenshjørner, men etter å ha padlet i to dager var den bereiste kajakkeksperten var full av lovord om Bulandet.
– Et fantastisk sted for havkajakkpadling. Her har du enkel adkomst til storhavet, og lune innaskjærsområder i en fantastisk natur, sier Sanders.

(Publisèrt oktober 2006)

Kronprinsparet på besøk i Askvoll

Bulendingane gjekk mann av huse, og mange frå fastlandet hadde tatt turen utover til øyane, då Kronprins Haakon Magnus og Kronprinsesse Mette Marit besøkte Bulandet tirsdag 5. september.
På kaia vart kronprinsparet ønskt velkommen av ordførar Aud Kari Steinsland, før øybuarane Heidi Kjempenes og Anne Britt Sandøy gav dei kongelege ei innføring i folket, kulturen og næringslivet på Værlandet og Bulandet.

Kronprinsparet tok seg tid til å helse og prate med nokre av dei frammøtte. Spesielt blei det nok for Therese Olset Solheim (11) som er ein stor beundrar av kronprinsparet. Ho har sendt 14 brev til kongehuset og fekk endeleg møte Mette Marit.
- Eg kan nesten ikkje snakke. Det er so utruleg. Dette er det eg alltid har drøymt om, fortel Therese.

Jardar Melvær kunne fortelle kronprinsparet og dei frammøtte at det er 1000 år sidan sist det var kongeleg besøk på øyane.

Vi får berre håpe det ikkje går like lenge til neste gong.

(Publisèrt september 2006)

Sommarfest i Storehaugen Grendalag

På forsommaren satte ivrige sjeler i Storehaugen Grendalag i gang "oppussing" av leike-plassen i byggefeltet. Og etter uttallige dugnadstimar var det forrige laurdag klart for sommarfest. Mykje folk var møtt opp til grilling og sosialt samvær i det fine sommarværet.
Initiativstakarane har hatt ein svært enkel jobb med å skaffe folk til dugnads-arbeid, får vi opplyst. Prosjektet starta med rivning av ei gammal og falleferdig brakke. So vart det rydda vekk skog og kratt før det vart satt opp nytt gjerde rundt heile leikeplassen.

Montering av nye leikeapparat vart utført og ny og flott ballvegg kom på plass. Til slutt vart delar av eit leikehus ombygd og båten "Elias" såg dagens lys.
Storehaugen Grendalag vil takke alle som har bidratt med dugnadsarbeid og materiell. Spesielt vil grendalaget takke Ruth Reyes, Ernesto Ivan Arancibia og Ingvar Loftheim som har lagt ned veldig mykje arbeid for å få leikeplassen so fin.

(Publisèrt august 2006)

Skjærgårdstreffet 2006

Primus motor Johnny Søreide og Bjørn Magne Solheim er godt nøgde med årets Skjærgårdstreff. Aldri før har det vore so mykje folk på Skjærgårdstreffet som i år. Flott stemning, mykje å oppleve, samt eit fantastisk vær gjorde sitt til at det 9. Skjærgårdstreffet blei ein suksess. Dei er begge likevel samde om at det enno er rom for nokre justeringar for å få eit enno betre og meir innhaldsrikt Skjærgårds-treff 21.juli neste år. Alle bedriftene i ASG ønsker alle hjarteleg velkomen til 10års jubilèum neste år. So merk av på kalenderen allereie no.

Sjå linken til venstre, der er det lagt ut ein del bilder frå årets Skjærgårdstreff.

(Publisèrt juli 2006)

Skjærgårdstreff 2006

Slik viste hamna i Askvoll seg sist laurdag då årets Skjærgårdstreff vart arrangert for 9. året på rad.

Eit fantastisk sommarvèr og eit større og meir innhaldsrikt Skjærgårdstreff-program enn nokon sinne, gjorde sitt til at det vart den folkefesten vi hadde håpa på. Eit slikt folkemylder har Askvoll aldri sett maken til.

(Publisèrt juli 2006)

Celèbert besøk!

Båtmagasinet, som reiser langs heile kysten året rundt, kasta også denne sommaren anker i Askvoll. I år skal dei ikkje lenger nord, men snur her.
Kaptein Atle Knutsen var ein rusletur på land og fekk sjå kva vi har gjort med hamna sidan sist han var her, og litt om kva planar vi har framover. Kanskje står det litt om Askvoll og aktivitetane i området rundt her (Skjærgårdstreffet, Dalsfjordveka, Bakkejekta, teater på Kyrkjebakken osb.) i Båtmagasinet om ei stund.

Elles kan vi nemne at ASG steikjer tusenvis med rundstykker kvar sommar og deler ut til båtturistane. Dette er eit tiltak vi har hatt i mange år no, og dei fleste (kanskje bortsett frå dei som legg seg aller sist) tykkjer dette er eit smakeleg innslag på frukostbordet ombord.
So er du båtturist og ligg anten i Sentrumshamna eller Alèhamna, skal det vere servering av nysteikte varme rundstykker rundt kl. 09.00 - 09.30 kvar dag frå jonsok til 6. august. Velbekomme!

(Publisèrt juli 2006)

Ferdig med første vers!

No er Sentrumshamna ferdig utmudra. Fem dagar med lange arbeidsøkter og litt ulemper for båtturistane er over, og vi kan ta imot fleire båtar enn nokon gong før.

Vi vil i første omgang legge ut dei flytebryggjene som låg i hamna, påplussa med 14 meter. Desse kan no brukast på begge sider. Derfor vert det ca 40 meter meir flytande kaiplass disponibelt enn det vi hadde tidlegare. Etterkvart skal vi merke minimum djupner over heile bassenget, men inntil vidare kan alle båtar som stikk opptil 1,5 meter flyte trygt overalt, bortsett frå der det står ei stong som markerer ein liten "nakk".
Opp til bunkersanlegget, langs den lange trekaia i vestkant av hamna, er djupna no minimum 2 meter på fjære sjø.
Vi vil få ønskje alle gamle og nye sjøvegsfarande velkommen til Askvoll og vår "nye" hamn!

Og hugs Skjærgårdstreffet 21.-23.juli!

(Publisèrt juli 2006)

Endeleg igang!

Her er Sjøentreprenøren i gang med den lenge etterlengta utmudringa i sentrumshamna. Det skal takast ut meir enn 2000 kubikkmeter masse som vert transportert tvers over Askvika, og deponert på eit innstengt areal på andre sida. Planen er å vere ferdig i første halvdel av veke 28. Det kan verte litt ulemper for sjøfarande medan det står på, litt støy, lukt og dårleg sikt for dykkande...

Det er òg viktig å merke seg at der det er grunt er det no ikkje merka.

Vi håpar og trur at turistane likevel synes dette er bra, for etter ferdig utmudring og litt planlegging og investering skal hamna og Askvoll stå fram i ny drakt som ein av dei finaste hamnene langs vestlandskysten!

Enn så lenge er Alèhamna som ligg 500 meter lenger aust, klar for innrykk av båtturistar med fine naser og folk som likar fred og ro medan mudringa står på. Båtlaget har i år merka opp 30 plassar med farga skilt, som vanlegvis vert nytta av lokalbefolkningen. Slik kan båtturistar sjølv finne ledige "grøne" plassar, og unngå å legge seg i tomme båsar der eigaren kjem att om kvelden, desse er nemleg raudmerka.

I alle fall: Vel møtt i Askvoll alle saman!

(Publisèrt juli 2006)

ASG på tur

Måndag 12.juni invitèrte ASG sine medlemmar med på båttur. Planen var eigentleg å ta turen ut til Bulandet, men litt kuling endra planane. So under ei strålande kveldssol gjekk vi ombord i båten til Bjørn Magne og vi satte kursen mot Flekke. Her gjekk vi land for å ha arbeidsmøte for Skjærgårdstreffet og ikkje minst kose oss med god mat og drikke.
Med temperatur godt over dei 20, store reker, masse majones, mykje loff, godt drikke og ikkje minst Sidsel's fantastiske salat, hadde vi ein fantastisk flott kveld på bryggekanten i Flekke.
Synd var det at ikkje fleire av våre medlemmer hadde tid og anledning til å vere med oss denne kvelden, men det kjem sikkert fleire anledningar seinare.

Dei som var med oss denne gongen var Sidsel, Sissel, Reidun, Terje, Johnny, Anne Grete, Olav, Bjørn Magne og Herfinn.

(Publisèrt juni 2006)
I veke 27 vert "sildestenget" i Askvoll Sentrumshavn demontert og mudring skal utførast. Sidan første utgraving fann stad i 1995 har det ikkje vore tatt ut meir masse frå hamna i sentrum. "Sildestenget" som har markert grunna der båtar ikkje flyt, har vore ein kjent, om ikkje kjær markør i Askvoll i 11 år. No skal den endeleg vekk og gje plass for det som etterkvart skal bli ei moderne og flott gjestehamn. I sommar vert det lagt ut 14 meter flytebryggje i tillegg til det som ligg der frå før. Til neste år reknar vi med det vert lagt ut betydeleg fleire bryggjer, i tillegg til meir fast trekai.

Dei 3-4 dagane mudringa pågår vert vi nøydde å stenge sentrumshamna. Dette vil til tider gjere det vanskeleg å fylle drivstoff. Vi vil få be alle båtturistar om orsaking og forståing for dei ulempene dette vil medføre, og lovar å komme sterkt attende når den flotte hamna vår er klar!

Gjesteplassane i Alèhamna litt lenger aust vil vere open som normalt heile tida. Der har vi sanitæranlegg med vaskemaskin, tørketrommel og vassfylling. I år skal vi prøve å markere dei ledige plassane med grøne skilt, slik at det vert lettare for besøkande båtar å finne ein plass dei kan ligge.

Velkommen til Askvoll i sommar!

(Publisèrt juni 2006)

Fantastisk VAMP-konsert på Kyrkjebakken 22.juni!

Når "Tir n'a noir" og "Månemannen" fyller Kyrkjebakken i Askvoll, er det få grunnar til å vere andre stadar. Rundt 550 tilskodarar fekk oppleve ein fjellstø konsert fylt med alt frå rolege ballader til folkrock, ispedd med irsk og norsk tradisjonsmusikk, alt krydra med fantastisk improvisasjon. Eit engasjèrt publikum trampeklappa Haugesundsgruppa inn på scena til to ekstranummer.
Ein stor takk til Olav og Anne Grete på Askvoll Fjordhotell som har lagt mykje arbeid ned i å få Vamp til Askvoll, samt tilrette-legge alt det praktiske.
Olav smilte frå øyre til øyre etter den vellykka konserten, og har nok fått inspirasjon til å arbeide for ute-konsert på Kyrkjebakken også neste sommar.

Vi gledar oss allereie.

(Publisèrt juni 2006)

Ny medlem i ASG

Vi har gleda av å ønske Flügger Farve Walter Gundersen AS velkomen som medlem i Askvoll Sentrumsgruppe.

Flügger farve-forretningen i Askvoll eigast av maler-meistar Walter Gundersen. I forretningen kan du finne alt som du har bruk for angåande malerarbeid - beis, tapetar, penslar og verktøy til konkurransedyktige prisar.

Flügger Farve Walter Gundersen AS
6980 Askvoll
Tlf.: 57 73 12 90 / 951 48 220

Opningstider:
Man-ons 17.00-19.00
Torsdag 09.00-19.00
Fredag 09.00-16.00
Laurdag 10.00-14.00
Ellers etter avtale

(Publisèrt juni 2006)

Ny medarbeider hos Askvoll Rekneskaps-teneste as

- Vi har utvida staben og ynskjer Kjersti Størdal velkommen som ny medarbeidar hos oss, seier dagleg leiar Sissel Igland hos Askvoll Rekneskapsteneste as.
- Kjersti Størdal har utdanning som autorisert rekneskaps-førar og skal få praksisen sin her hos oss. Kjersti er fødd og oppvaksen i Holmedal og vi synest det er positivt å kunne tilby jobb til ein kjekk ungdom med lokal tilknyttning.

(Publisèrt mai 2006)

Synfaring i Sentrumshamna

Den 18.04.2006 var ein delegasjon frå Fylkestinget på synfaring i sentrums-hamna i Askvoll. Her ser du bilete av gjengen saman med representantar frå Fjaler Kommune, Askvoll Kommune og Askvoll Sentrumsgruppe. Temaet som sto på dagsorden var tilskot til utmudring av hamna.
Vi starta med ein tur rundt området der dei fekk sjå kva vi har gjort sidan vi starta i 1995. Deretter hadde vi ein powerpoint-presentasjon på Askvoll Sjøbuer med bilete, kart og skisser der vi fekk vise litt framtidsvyer. Dei omfatta òg nye spanande tankar frå Fjord1 og Statens Vegvesen. Presentasjonen var utarbeidd i samarbeid mellom Teknisk Etat og ASG. Til sist hadde vi ein super middag på Askvoll Fjordhotell med deilig ytrefilèt etterfulgt av god gamaldags karamell-pudding og kaffi.
Fylkestingsrepresentantane likte det dei såg, og tykte vi hadde gode planar for området. Det vart ikkje avgjort noko vedr. tilskot, men vi sit att med eit inntrykk av at vi leverer ein god søknad.
Vår målsetning er å komme igang med arbeidet iløpet av førsommaren, før sesongen set inn for fullt.

(Publisèrt april 2006)

MØLLA 10 år

Tirsdag 28.mars feira kle- og utstyrsforretningen Mølla as 10års jubilèum i Askvoll Senter.

"Dette var kjempekjekt" seier Aud Frøholm når vi spør om det vart ei verdig feiring "masse folk som både handla og åt bursdagskake". Både Reidun Leiknes og Aud Frøholm, som saman eig og driv Mølla as, er strålande fornøgd med jubilèet.

I desse 10 åra er det sal av dameklær som har utgjort størstedelen av omsetninga med merker som: Fransa, Lindon, Wearhouse, Peppercorn, Nicole, Bessie.

"Av ungdomsklær er det merke Blend som er størst hos oss" seier Reidun "samt at vi sel mykje kosmetikk, smykker, vesker, strikkegarn, sytilbehør, samt utstyrsvarer som handdukar, dukar og sengesett".
Mølla as er medlem i Tekstilkjeden AS, som er eit butikkeigd kjedesamarbeid.

Vi i ASG gratulerer med 10års jubilèet og ønsker lykke til med dei neste 10.

(Publisèrt april 2006)

MALIA

Ny maling, interiør- & verktøykjede i Askvoll.


Askvoll Bygg & Interiør AS, gjekk 22. mars inn i ein nye maling-, interiør- og verktøykjede. MALIA er ein sammenslåing av tidligare FABO- og SMART-butikker. Med ein solid forankring i lokal-markedet vil MALIA vere ”Ditt næraste val for å lykkast!” med oppussingsprosjekt.






Morgendagens forbrukere

Ved lanseringen teller kjeden allereie 50 butikkar, med ei estimèrt sisteleddsomsetning i 2006 på ca NOK 350 millioner.

Gode råd – gode kjøp

Bjørn Magne Solheim ser med stor spenning på tiden framover. "I et tøft marked held det ikkje lenger å kun konkurrere med fokus på produkt og pris aleine. Det viktige er kva vi tilbyr, det er det som gjer at MALIA skiljer seg frå konkurrentane og fremstår som unike. Sterk intern kultur, relasjonar med omgivninga og med fokus på meirverdi for kundane, tydelig kommunikasjon og ved å alltid sørge for å gi kundane gode råd, slik at dei opplever at dei gjer ein god handel – kvar gang, er element som skal prege MALIA." Seier han, og legg til at med utgangspunkt i kjedens kompetanse innenfor maling, skal MALIA framstå som malings-ekspertar.
I tillegg vil interiørvarer og det verktøyet ein treng for å få jobben gjort, utgjere hovedtyngda av butikkenes vareutval. Kjeden vil være aktive på markedsføring og kommunikasjon i lokalmarkedet, og kundene vil møte betjening som er løysningsorienterte og kunnskapsrike.

(Publisèrt april 2006)


Annonsar